Habari Zote
Showing posts with label MAKALA. Show all posts
TAHARIRI:
HAKUNA
mashaka kwamba sasa tatizo la mafuriko sio kadhia kwa `watu wa mabondeni’ au wanaoishi karibu na mkondo wa
maji pekee.
Hata
hivyo, nguvu kubwa imekuwa ikiwekwa katika
kuwahamisha watu wanaoishi kwenye maeneo hayo bila kutafuta na kuthibiti
chanzo cha mafuriko hayo.
Mathalani,
katika jiji la Dar es Salaam, tumekuwa
tukishuhudia wakazi wa Bonde la Mto Msimbazi, Mkwajuni, Jangwani na kwingineko jijini humo wakihamishwa, baadhi nyumba zao
kuvunjwa.
Oktoba
26 mwaka huu, ilinyesha mvua kubwa nchini
na kusababisha madhara makubwa hasa jijini Dar es Salaam, kwa mafuriko ya mvua hizo kuua
watu kadhaa, kuharibu mali zenye thamani
kubwa.
Kila
mtu atakuwa shahidi kupitia vyombo vya habari kuwapo kwa malalamiko ya athari
za mafuriko hayo kila kona ya jiji na
maeneo mengine nchini.
Kama
tulivyosema nguvu kubwa huelekezwa kwenye kuhamisha watu, hakuna juhudi za kukabiliana na chanzo cha mafuriko.
Ni kuokoa au kuhamisha tu.
Sisi
tunaikumbusha serikali wajibu wake wa kuwalinda wananchi wake dhidi ya majanga
kwa kutambua kwamba chanzo cha mafuriko ni ongezeko la maendeleo ya watu
(Human
Development Expansion) tunayoyataka!
Yapo
maendeleo ya ongezeko la nyumba, shughuli za kibinadamu kama vile kilimo, biashara na viwanda ambazo
watalaamu wanasema vimekuwa chanzo cha ongezeko la mafuriko na kina cha maji ya
bahari.
Kwa
hiyo matatizo kama mmomonyoko wa udongo unaotokana na maji mengi yasiyovunwa
kwenye nyumba, kukosekana kwa vizuia kasi ya maji kama vile miti kutokana na mabadiliko
ya tabia nchi hujitokeza.
Matokeo
yake ni kupanuka kwa makorongo, mito, bahari na maziwa kila uchao na kupatikana kwa mabonde.
Bila
kutambua wajibu wake katika kukabiliana na hali hiyo, serikali hukimbilia
kuwaondoa watu kwa kigezo cha kisheria kwa kuwaita wavamizi wa mita 60 za mito, bahari na maziwa tena wengine sheria ya mazingira ya (EMA) ya
mwaka 2004 iliwakuta.
Sisi
tunaona kwamba kuna kila sababu ya serikali kutafuta chanzo cha mafuriko na kukithibiti.
Hii ni pamoja na kujenga kingo za mito, bahari na maziwa ili kutopanuka na
kufuata makazi ya watu.
Huu
ni wajibu kulingana na mikataba ya kimataifa ambayo serikali yetu ilisaini na
ni haki ya wananchi wa nchi husika.
Tunapokimbilia
kuwahamisha watu wakati mabonde yalitokea kwa kutojengwa kingo, ni wazi kwamba
hata wale ambao leo wako nje mita 60 kesho watakosa uhalali wa kuishi humo
kutokana na mmomonyoko unaoendelea kuwafuata. Tutawahamisha wangapi? mwisho
tutahamisha mtaa mzima!
Pia
tunaishauri serikali kuimarisha miundombinu kwa kujenga au kufufua mitaro
kutokana na ukosefu wa mitaro kusababisha kuzagaa kwa maji na kuwa chanzo kwa watu wengine ambao sio wa mabondeni nao
kuingia katika kadhia hiyo.
Sisi
tunaamini kwamba hayo yakitiliwa mkazo tutapunguza au kumaliza tatizo la mara
kwa mara la mafuriko. Haina maana kwamba waliojenga baada ya sheria waachwe.
Msisitizo wetu ni jamii kutii sheria sambamba na kuthibiti chanzo cha tatizo
kama haki ya jamii.
Kuwahamisha
watu sio suluhisho na kukomesha tatizo. Ni sawa na kugawa vyandarua badala ya
kuua mazalia ya mbu!
Juma anakabiliwa na tatizo la kwenda
haja kubwa kwa kutumia mipara kupitia tundu alilochanwa tumboni baada ya
matibabu kuthibitisha kuwa mfumo wake wa haja kubwa umekufa.
Kwa mujibu wa mama mzazi wa kijana
huyo, Sofia Jackson anasema ameelezwa na matabibu kuwa hakuna namna nyingine ya
Juma kujisaidia haja kubwa isipokuwa kwa mipira katika maisha yake yote.
KUANZWA NA MATATIZO:
Juma
alizwaliwa mwaka 2001 akiwa mtoto wa kwanza katika familia ya watoto watatu.
Alianza shule ya msingi akiwa nia ya kuendelea hadi chuo kikuu. Alianzwa na
tatizo hilo alipofikisha umri wa miaka 15 Machi mwaka jana.
Juma
alipaswa kuwa mwanafunzi wa kidato cha tatu mwaka huu katika shule ya TUT
anamosoma, lakini kutokana na hali yake hiyo alishindwa kufanya mtihani wa taifa
wa kidato cha pili mwaka jana.
Kwa
sasa ni mwanafunzi wa kidato cha pili shuleni hapo lakini kutokana na hali hiyo
anashindwa kwenda shuleni kama inavyotakiwa. Ndoto yake ni kuendelea na masomo
hadi elimu ya juu.
“Natamani
kufikia ndoto yangu ya kuwa mwanataaluma kwa masomo yangu ya chuo kikuu. Lakini
tumaini langu limeingia moto. Sikujua ningekuwa katika hali hii, hata kwa sasa
naishindwa kukaa bweni na wezangu kwa hofu ya usumbufu kwa wenzangu, naomba kama
wapo watu wanaoweza kunisaidia wajitokeza kujaribu matibabu kwingine,”alisema
Juma.
HARAKATI ZA MATIBABU:
Kwa sasa anamtegemea mama yake kwa ada na matibabu baada ya baba
yake mzazi kufariki. Mama yake ni muuuza mbogamboga kwa mtaji mdogo sana ambao
hawezi kumudu kununua mipira , dawa na vifaa tiba vingine pamoja na kulipa ada,
anasema.
Baada ya kuona hali hiyo
isiyokuwa ya kawaida kwa mwanae, Sofia anasema alimpeleka mwanae
walianza hospitali yaMbezi
kisha
kushauriwa kumpeleka. hospitali ya Mwananyamala kwa matibabu zaidi.
“Pale
Mwananyama walishindwa, wakatupa rufaa kwenda hospitali ya Taifa Muhimbili,
walimfanyia upasuaji na kupata nafuu. Walifanyia vipimo vingine, na kubaini
kwamba hakuna namna yoyote ya kupata choo, isipokuwa kupitia tobo ambalo
ametobolewa tumboni ili ajisaidie kwa njia ya mpira,” alisema.
Mama
huyo analalamika kuwa tangu mumewe kufariki dunia amekuwa na mzigo mkubwa kumhudumia
Juma na wadogo zake, huku akiomba msaada kwa wasamaria kwa ajili ya kufanikisha
matibabu ya kijana wake nje ya nchi.
WITO:
Kijana
Daud Juma anaiomba serikali na wanajamii kwa ujumla, kumchangia pesa
zitakazofanikisha kutibiwa nchini India ambako ameshauriwa na baadhi ya
wataalamu.
Pia
ameiomba serikali kupunguza au kuondoa kabisa gharama za matibabu kwa watu
wenye matatizo makubwa yasiyotibika ndani ya nchi kwani watanzania wengi
wamejikuta wa kipoteza maisha kutokana na kushindwa kumudu gharama za matibabu.
Pia
ameomba wasamaria wema ikiwamo taasisi za serikali na binafsi kumsaidia mama
yake kuimarisha mtaji wake kutokana na mtaji wake wa sasa kuwa mdogo huku akiwa
na jukumu kubwa la kumlea yeye (Juma) na wadogo zake.
“Natamani
kurudi shuleni kuungana na wenzangu ili kutimiza ndoto zangu, lakini mama
amekwama na hatuna mtu wa kutusaidia.
Tumekuwa
watu wa kusaidiwa chakula na majirani. Katika hali hiyo, tutawezaje kupata pesa
za matibabu? alisema Juma
