Habari Zote
Showing posts with label GURUDUMU LA MAISHA. Show all posts
Na hapo ndipo hutimia
neno la kitaalamu lisemalo: `life is a process’ au maisha ni mchakato, hatua.
Laibai Kallaghe haisau hatua za
maisha yake kutoka wazo la biashara ya kutengeneza na kuuza mabegi ya shule
aliyoyatengeneza kienyeji kwa kutumia vipande vya makasha (maboksi) zaidi ya miaka 50 iliyopita
huko Korogwe mkoani Tanga hadi kuwa Mkurugenzi mtendaji katika miaka ya hivi
karibuni.
 |
| Mkuregenzi wa SKUVI, Laibai Kalaghe (Mwenye shati jeupe kulia,) akiteta jambo na muasisi wa vikundi vya SKUVI Mwenyekiti mtendaji wa IPP Dk. Regnard Mengi (kushoto). |
Kwake yeye, biashara huanza na wazo kisha kulichakata kwa kutumia
juhudi zako binafsi kwasababu unalipenda wazo hilo na lazima uishi kwalo ili
kufikia malengo ya wazo hilo.
Kwa msingi huyo, anasema yeye si mtu mwenye kuzembea wazo lazima
alifuatilie na bila kukata tama hata kama zitajitokeza tambo ambazo huweza
kuangusha wazo lake.
Kallaghe alianza wazo la biashara tangu akisoma shule ya msingi
huko kijijini kwake Korogwe baada ya kubaini kuwa katika shule alimokuwa akisoma
kuna hitaji la mabegi kwa wanafunzi wenzake.
Hiyo ikamsukuma kutafuta maboksi ya karatasi ngumu, kuyaunda na
kupata mabegi ambayo alianza kuwauzia wanafunzi wenzake shuleni hapo na shule
za jirani baada ya kuvutiwa na mabegi hayo.
Baadaye aliogundua kwamba mabegi hayo ya makasha yanahitaji
kuongezewa kitu fulani, kuyafanya yapendeze zaidi na kuongezeka thamani. Yeye
aligundua kwamba ili mabegi hayo yapendeze, kupendwa zaidi na kuongezeka
ayapambe kwa nje kwa kuzungusha vipande vya magazeti ya kichina aliyopatiwa na
marafiki zake waliokuwa Jijini Dar es Salaam.
Ubunifu wake huo ulimsaidia kuongeza kipato na kufanikiwa kupata
mtaji wa kuanzisha biashara nyingine ya kuuza bidhaa ndogondogo kama vile
mbogamboga, aliyoendelea nayo hadi ilipoanza elimu ya sekondari katika kituo
cha elimu ya watu wazima, Korogwe.
Yungali yupo sekondari, anasema aliendelea na biashara yake hiyo
na kufanikiwa kugawa mtaji kwa kuanzisha biashara ya kuuza peremende kutoka
Kenya zilizojulika kama BigG na sigara kwa njia ya uchuuzi. Aliuza sana wakati
wa sherehe kwa kutembea hadi huko hasa wakati wa usiku kwenye muziki maarufu
kama disko hadi mwaka 1979 alipohitimu elimu ya sekondari huku akiendelea na
biashara zake.
Kallage alihamia jijini Dar es Salaam mwaka 1984 na kujiunga na
chuo cha ufundi Dar es Salaam (DIT) kwa kozi ya kuu ya uhandisi (General Course
Engeneering) katika fani ya uchoraji.
Baada ya kuhitimu mafunzo hayo, alijiunga na Chuo cha Ufundi Stadi
(VETA) katika chuo cha Tanzania Motor Service kilichopo cha mkoani Arusha na
kupata cheti cha Motor Cycle technical daraja la kwanza na baadae elimu
mbalimbali ya ujasiriamali.
“Pia nilifanikiwa kusoma stashahada ya elimu ya usimamizi wa
biashara kwa ujasiriamali wangu niliweza kusoma na kufanya kazizangu, saa kumi
na moja jioni nafunga kazi na kuelekea darasani hadi saa tatu usiku…wengi
waliniona kama anacheza kwa kuwa mtu anawezaje kusoma huku anajishughulisha na ujasiriamali,”alisema.
Mwaka 1995 alianza ufundi wa magari mtaani. Alikuwa hana uhakika
wa kupata kazi, jambo lililomsukuma kubuni njia ya kupata kazi.
Anasema aliamua kupanga makopo matupu ya oili pembeni mwa barabara
ya zamani ya Bagamoyo ili kuwavuta watu, hasa walioharibikiwa na magari. “Ndipo
siku moja, raia mmoja wa kigeni, akaona yake makopo na kushuka kutoka ndani ya
gari.
Kisha nilimsogelea na kugundua kuwa gari yake ilikuwa na hitilafu
ilisababisha isiwake, niliitengeza na kulipwa pesa, ambayo kwangu ilianza kuwa
mtaji,”alisema.
“Baadae Dk. Reginald Mengi alitangaza kukutana na vijana kwa hiari
kwa kauli mbiu yake aliyoiita `NIFANYE NINI?’ ambayo ni fursa. Alifanya nao
mkutano kwa dhamira ya kuwasaidia vijana ili waweze kujiajiri wenyewe na kutoa
fedha kwa vikundi 550 vya Shujaa wa Kupiga Vita Umasikini (SKUVI) yeye akiwa
kikundi namba 141 na kila kikundi kilipatiwa Sh.25,000.
Anasema aliamua kwenda Kariakoo kununua mashine ya kuchaji betri
za magari na kwa kujiunga na mwenzake mmoja ili tufanye biashara pamoja.
“Wakati huo umeme ulikuwa bado haujasambaa maeneo mengi hivyo
nilikuwa nauza oil na kuchaji betri ya magari, baada ya faida na nikaenda
kununua mashine za uchomeleaji” Kwa mtaji huo walifanikiwa kuanzisha kituo cha
kutengeneza magari (gereji), kununua mitungi ya gesi na kupaka rangi magari na kupokea
oda kwa watu mbali mbali.
Wakabuni utengenezaji wa matoroli kwa ajili ya kusambazia maji na
wanaofanya usafiKutokana na kukua kwa biashara hiyo baadhi ya benki kama
Baclays na Akiba walimuamini na kumkopesa mtaji ambao ulimuwezesha kuteneneza
matokoli hayo ya aliyoyapeleka kwenye maonesha ya biashara sabasaba, na
kufanikiwa kukuza mtaji.
Kallaghe ambaye kwa sasa ni Mkurugenzi Mtendaji wa Skuvi 141
inayotamba kwa jina la Mr. Oil anasema alianza kujenga mahusiano ya kibiashara
kwa kushirikia maonyesho ya biashara nchini China ambako alijifunza mbinu
mbalimbali ya biashara yake ya uchomeleaji wa kisasa.
Ziara hizo zilimpa nafasi ya kujuana na watu mbalimbali ambao hadi
sasa anashirikiana nao, yeye akiwa sehemu ya wakala wa kuuza bidhaa kutoka
nchini humo, huku yeye akiagiza na kuuza katika soko la ndani.
Katika taasisi yake ya SKUVI ameweza kuwafundisha vijana zaidi ya
20 kwa kazi hiyo ya uchomeleaji ambao wengi wao kwasasa wanajitegemea na kuwa
tegemeo
kwa familia zao. Pia ni mwalimu wa ujasiriamali.
Juhudi hizo zimemfanya kuendesha maisha yake, kumiliki gari,
nyumba, kusomesha watoto hadi elimu ya chuo kikuu. Pia Kujenga mahusiano
makubwa na kampuni za ndani na watu mbalimbali. Anashauri vijana na watu
wengine, kuwa wabunifu, kutumia mawazo yao vizuri na kufanya kazi bila kukata tamaa.
PIA UNAWEZA SOMA ZAIDI HAPA
KILA
mtu ana ndoto ya kufikia lengo fulani katika maisha yake. Na hapo ndipo hutimia neno
la kitaalamu lisemalo: ‘Maandalizi ya leo ni mafanikio ya kesho’ au maisha ni
mchakato, hatua’.
Kijana Joas Yunus kwa muda mrefu amekuwa na ndoto ya kuwa
mwandishi wa wa vitabu kwa ajili ya kuielimisha jamii kupitia fasihi andishi
iliyoianza tangu akiwa mwanafunzi wa darasa la nne katika Shule ya Msingi
Nzovwe iliyoko wilaya ya Mbozi, mkoani Songwe.
Anasema tangu akiwa darasa
la nne alipenda kufundisha japo hakujua atafundisha kwa njia gani, hivyo aliamua
kujitolea kuwafundisha wanafunzi wenzake walio madarasa ya chini yake, baadaye kuanzisha kituo cha mafunzo kwa watoto wadogo ambacho
aliendelea nacho hata baada ya kuhitimu elimu ya msingi mwaka 2003.
Alisema ili kutopoteza ndoto yake, aliendelea
kujitolea kuwafundisha hata baada ya kuendelea na masomo ya sekondali ingawa
alipatwa na changamoto nyingi kwa kuwa haikuwa rahisi kuwafundisha aliokuwa
anasoma nao darasa moja na wakamkubali wote.
Hata hivyo, pamoja na changamoto
alizopata hakukata tama na alipohitimu sekondari aliendelea kufundisha masomo
ya jioni katika kituo alichokianzisha nyumbani kwao kabla ya kupata nafasi ya
kujiunga na kidato cha tano katika Shule ya Sekondari Pugu mwaka 2008.
Baadaye alipogundua kwamba kufundisha kuna tija kwa jamii, akaamua
kuwashirikisha baadhi ya wenzake ili kuandika vitabu.
Aligundua kwamba ili vitabu viwe bora, kusomwa zaidi na kuongeza soko
anatakiwa atafute watu wenye uwezo wa kusanifu hasa upande wa marafiki zake.
Ubunifu wake huo ulimsaidia kuongeza kipato na kufanikiwa kupata
mtaji wa kuzalisha matoleo mengine zaidi huku akiendelea na masomo yake pamoja
na kuendeleza kituo chake alichokuwa amekianzisha mkoani Songwe hadi alipoanza elimu
ya juu.
Anasema aliendelea na kituo chake hicho na kufanikiwa kugawa mtaji kwa kuanzisha kituo
kingine cha elimu kwa
vijana na watu wazima pasipo gharama zozote kwa nia ya kuisaidia jamii yake.
Baada ya kurudi kijijini kwao alifanya
ibada zake katika kanisa la FPCT na kuchaguliwa kuwa katibu wa vijana kanisani
baada ya kumpenda kutokana na uandaaji, uandishi na mpangilio mzuri wa taarifa
za vikao vya kanisa.
Kazi yake ya kuisaidia jamii ikamfanya apate umaarufu zaidi na kuchaguliwa
kuwa katibu wa vijana katika kanisa la FPCT alilokuwa akifanya ibada.
Yunus alijiunga na Chuo Kikuu cha Dar es Salaam mwaka 2010 na
kupata Shahada ya Sayansi ya Kompyuta na
baadae elimu mbalimbali ya ujasiriamali.
“Pia nilifanikiwa kusoma shahada ya elimu sayansi ya kompyuta na
baadaye ujasiriamali. Niliweza kusoma na kufanya kazi zangu
kuhakikisha tu kwamba vitabu vipo katika usahihi,” alisema.
Anasema akiwa katibu alipata wazo jingine
katika kutoa huduma kwa vijana wengine nje ya kanisa hivyo akamua kusajili kitabu
chake alichokiita ‘Kijana jitambue’
kilichokuwa na maudhui ya kutoa elimu mbalimbali kwa rika ili waweze
kujitathmini na kujitambua hasa katika kuziona fursa mbalimbali na
kuzichangamkia.
Mwaka 2015 aliandika kitabu kingine
alicho kiita ‘Inuka’ kwa maana ya inuka katika dimbwi la umasikini na kujifunza
ufundi wa magari mtaani.
Anasema alikuwa hana uhakika wa kupata
kazi, jambo lililomsukuma kubuni njia ya kupata kazi. Anasema aliamua kupanga
makopo matupu ya oili pembeni mwa barabara ya zamani ya Bagamoyo ili kuwavuta
watu walioharibikiwa na magari.
“Ndipo
siku moja, raia mmoja wa kigeni akaona yake makopo na kushuka kutoka ndani ya
gari. Kisha nilimsogelea na kugundua kuwa gari yake ilikuwa na hitilafu iliyosababisha
isiwake, niliitengeza na kulipwa pesa ambayo kwangu ilikuwa mtaji,”anasema.
Anasema changamoto zilizopo katika kazi
yake ya uandishi ni pamoja na kutokuwa na watu wanaoweza kumuwezesha pamoja na
kukosa vitendea kazi kama vile kompyuta
Yunus kwa sasa meamua kujiajiri kupitia
fani yake ya uandishi wa vitabu na kuwashauri waandishi wengine kuandika kwa
ajili ya jamii na Tanzania ya viwanda iweze kuendelea mbele pamoja na kuanzisha
vituo vingi vya kutoa mafunzo kwa vijana
katika kila wilaya.
