Habari Zote
· Yamo
kisukari, saratani, presha, hamu ya tendo
MMEA wa bamia uzaao matuda yanayoliwa, ni zao
linalostawi karibu maeneo yote hapa nchini, ingawa hustawi na hupedwa zaidi na
watu wa ukanda wa Pwani. Huliwa kama mboga kwa matunda hayo kupikwa
yakichanganywa na aina nyingine ya mboga kama vile nyama.
Watu wa ukanda wa Pwani hutumia bamia kwa
kuikatakata vipande vidogo na kuchanganya vipande hivyo na majani ya maboga, magadi kisha kupika pamoja na
kupata mboga iitwayo mlenda au hombwe kwa watu wa pwani ya mkoa wa Tanga.
Kwa bahati mbaya sana walaji wengi hawajui umuhimu
wake kifya kama anavyobainisha Mtaalamu na Mkufunzi wa Chuo cha Tiba na Uuguzi
( IMTU) cha jijini Dar es salaam, Dk. Daniel Elifariji Mtango.
Mtaalamu huyo wa kitengo cha Afya na Jamii Chuoni
hapo, anasema tunda la bamia lina vitamini A na B ambavyo huimarisha macho kutokana
na virutubisho hivyo kusheheni kiasi
kingi cha protini ukilinganisha na lishe nyingine inayotokana na mimea.
Kama hiyo haitoshi, viini lishe vilivyomo husaidia kuwaokoa
watoto wenye tatizo la utapiamlo, isulini kufanya kazi
hivyo kuwaondoa watu katika hatari ya ugonjwa wa kisukari kwa kuuweka sawa mfumo wa sukari mwilini.
Zinapoliwa kwa usahihi, huongeza kinga za mwili kwa
watoto na watu ambao kinga yao ya mwili imeshuka na kuwa kwenye hatari ya
kuambukizwa Virusi vya Ukimwi na magonjwa mengine yanayosababishwa na kushuka
kwa kinga ya mwili, anasema.
Akifafanua zaidi, Dk. Mtango anasema, maji ya bamia husaidia
kuzuia magonjwa ya moyo kwa kuifanya mishipa ya damu kufanya kazi vizuri
kutokana na maji yake kuwa uwezo wa kuondoa lehemu kwenye kuta za mishipa ya
damu.
“Lehemu zisipoondolewa kwenye mishipa hiyo
husababisha msukumo wa damu kwenda vibaya na kuwa chanzo cha maradhi ya shinikizo
la damu. Kwa hiyo tunaona ni kwa jinsi gani ambavyo mmea huu ulivyo muhimu
katika lishe na kudhibiti magonjwa ambayo wakati mwingine hayawezi kutibiwa
hapa nchini. Hivyo bamia inaweza kupunguza idadi ya watu kwenda India kutibiwa
maradhi ya moyo,”anasema,
Faida zingine za ulaji wa bamia ni kuzuia tatizo la watoto kupasuka uti wa
mgongo au mgongo waz, kumsaidia mama mjawazito pamoja na mtoto tumboni kuwa na afya
na baada ya kujifungua.
Hutibu tatizo la kuchoka bila sababu, zaidi kwa watu ambao wana msongo wa mawazo ambao
mtaalamu anashauri kundi hilo kula kwa wingi bamia kwani huleta matokeo ya
haraka na kufanya afya zao kuimarika zaidi na kuwafanya wawe na amani, furaha muda wote.
Faida nyingine, hutibu vidonda vya tumbo na
kuthibiti bakteria wasababishao matatizo
hayo na kupunguza uwezekano wa kupata saratani ya tumbo, huongeza kiwango cha
uzalishaji wa damu kwa wingi mwilini.
Huimarisha nywele na kuzifanya ziwe na muonekano
mzuri pamoja na kufanya utumbo mpana kubaki katika ulaini wa asili yake na kukinga mtumiaji dhidi ya saratani ya utumbo mpana (large intestine).
Pia hufanya mfumo wa usagaji wa chakula kuwa mzuri
na hivyo kupunguza maumivu makali wakati wa kwenda haja kubwa kutokana na majimaji
ya bamia hulainisha choo kama ilivyo papai na ndizi mbivu. Pia huongeza hamu ya
tendo la ndoa.
MATUMIZI:
·
Mlaji anaweza kupika bamia kama mboga kisha
kuchanganya na chakula kingine na kula kama mlo. Vyakula hivyo vinaweza kuwa, uji,
mchuzi, na vingine.
·
Matumizi mengine ni mtumiaji anatakiwa
kukatakata bamia vipande vidogovidogo baada ya kuoshwa kwa maji safi na salama.
Loweka kwenye maji kwa dakika kadhaa vipande hivyo kulingana na uwingi wa
vipande vyenyewe ili kupata juisi.
·
Kunywa ujazo wa kikombe kimoja cha juisi
ya bamia sawa na gramu 100. Au unaweza kula vipande hivyo vibichi vilivyojazwa
kwenye kikombe cha ujazo huo .
·
Inashauriwa kuwa watoto wadogo wapatiwe zikiwa zimepikwa. Fanya hatua hizo tatu kwa mfululizo na matokeo
yake hujitokeza kuanzia juma la tatu au kabla.
Anatoa ushauri kwa wakulima kulima zao hilo kwa wingi
kutokana na faida hizo za kiafya na kukifanya kilimo chao kuwa na tija.
Ni zao
linalokomaa kwa muda mfupi na hukabiliana na hali zote za hewa. Pia jamii kula
kwa wingi bamia ili kupunguza matatizo ya kiafya ambayo baadhi yake ameyaanisha katika makala
haya.
WANAFUNZI
wawili wa shule ya msingi Sarawe iliyoko katika tarafa ya Chamriho halmashauri
ya wilaya ya Bunda mkoani Mara, wamekufa na wengine sita kujeruhiwa katika
ajali mbaya ya kuangukiwa ukuta wa chumba cha darasa wakati wakipembua mahindi
kwa ajili ya chakula chao shuleni hapo.
Tukio hilo limetokea juzi majira saa kumi
jioni wakati wa saa ya mapumziko katika eneo la shule hiyo.
Wanafunzi waliokufa katika tukio hilo ni
pamoja na Anastazia Wazilana (8) aliyekufa papo hapo na Amosi Stima Igala (8)
aliyekufa wakati akikimbizwa katika hospitali ya rufaa ya Bugando jijini Mwanza
kwa ajili ya matibabu zaidi, ambapo wote walikuwa wanasoma darasa la pili
shuleni hapo.
Mganga mkuu wa halmashauri ya wilaya ya Bunda
Dk. Nuru Yunge amethibitisha vifo hivyo na kwamba majeruhi walipelekwa kituo
cha afya Ikizu na wengine wamehamishiwa katika hospitali ya DDH Bunda.
“Pale kituo cha afya Ikizu tulipokea majeruhi
saba, na wengine wawili tukawahamishia katika hospitali ya DDH Bunda, kutokana
na hali zao kuwa mbaya, lakini kwa taarifa niliyopata majeruhi mmoja amekufa
wakati akipelekwa katika hospitali ya rufaa ya Bugando” alisema.
Afisa tarafa ya Chamriho Boniphace Maiga,
aliwataja wanafunzi waliojeruhiwa kuwa ni pamoja na Happynes Mussa (13) wa
darasa la tano, Wambura Nyamrosha (12) wa darasa la nne, Sara Wazilana (14) wa
darasa la sita, Emmanuel Mkiriti (8) wa darasa la pili, Mugaya Galinde (8) wa
darasa la pili na Pili Juma Matwiga (7) wa darasa la kwanza.
Maiga alisema kuwa chanzo cha ajali hiyo ni
ukuta wa darasa hilo kuwa na ufa wa siku nyingi, ambapo uliporomoka na
kuwaangukia wakati wakianda mahindi kwa ajili ya chakula cha wanafunzi shuleni
hapo, kinachotolewa na shirika la PCI.
“Wakati wa mapumziko wanafunzi hao walikuwa
nje ya dasrasa hilo wakipembua mahindi ya PCI na ghafla ukuta huo ulidondoka na
ulikuwa na naufa mkubwa siku ninyingi. Mwanafunzi mmoja alifia hapo hapo na
mwengine amekufa wakati akikimbizwa Bugano baada ya kuwapatiua rufa.
Baadhi ya mashuhuda akiwemo katibu wa huduma
za jamii katika serikali ya kijiji cha Sarawe, Richard Karangi, walilielezea
tukio hilo kuwa ni la kusikitisha, ambapo muuguzi mmoja katika hospitali ya DDH
Bunda, alizungumzia hali ya majeruhi mmoja aliyempokea kwamba inaendelea
vizuri.
Kamanda wa polisi mkoani Mara kamishina
msaidizi wa polis, Jafari Mohamed hakupatikana kuzungumzia tukio hilo, lakini
polisi wilayani hapa wamethimitisha kuwepo kwa tukio hilo.
Wakati huo huo, baadhi ya wananchi
waliozungumza na waandishi wa habari walisema kuwa ipo haja ya wakaguzi wa shule
kukagua majengo ambayo hayana ubora na kuagiza yasitumiwe na wanafunzi ili
kuepusha majanga kama hayo ambayo siyo
ya lazima yasitoke tena.
BOGA ni moja kati ya matunda yenye faida mbalimbali katika mwili
wa binadamu. Hupatikana karibu mikoa yote ya Tanzania, na idadi kubwa ya watu
wengi kulima boga kwa matumizi ya nyumbani kama chakula.
Wengi pia hawajui faida za tunda zaidi ya kulitumia kama chakula,
lakini ukweli ni kwamba matumizi yake ni zaidi ya chakula.
Boga huweza kusindikwa au kusagwa na kupatikana kimiminika (juisi)
muhimu kwa afya ya binadamu kwani hutibu magonjwa mbalimbali.
Dk. Othman Shemu ni mtaalamu wa miti na mimea dawa na Mkurugenzi mtendaji
wa kliniki ya tiba asili cha
Paseko yenye makao yake Tabata relini Jijini
Dar es Salaam, anasema juisi ya boga pia
huimarisha na kuongeza nguvu za kiume.
Huwafanya
wanaume kumudu tendo la ndoa hasa wale ambao huishia mshindo au pigo moja au
kushindwa kumfikisha kileleni mwanamke na wakati mwingine kukosa hamu ya tendo
la ndoa Anasema tunda la boga lina protini na virutubisho mbalimbali vyenye
uwezo wa kutibu magonjwa ikiwamo kutengeneza mbegu za kiume kwa wingi kama
ilivyo baadhi ya vyakula vya protini.
Baadhi
ya magonjwa hayo ni tezi dume, kusafisha figo, tatizo la kutapika mfululizo
hasa kwa mama mjamzito, huondoa tatizo ya gesi tumboni na msongo wa mawazo.
“Ukitunia
juisi hii huruhusu ubongo kuingiza hewa safi kwa wingi (oxgen) na kutoa hewa
chafu hali inayofanya ubongo kuwa mwepesi na kutunza kumbukumbu za kutosha, “
anasema Dk Shemu.
Pia
huimarisha mfumo wa mmeng’enyo wa chakula tumboni na kuondoa vijidudu
visivyotakiwa tumboni, pamoja na kusaidia kurekebisha mfumo wa msukumo wa damu
kwa watu wenye matatizo ya presha.
Huweza
kutumiwa na rika za watu wote ingawa ni muhimu zaidi kutumiwa na watoto kwani
huwakinga na magonjwa na kuwasaidia kujenga uwezo wa kufikiri na kutunza
kumbukumbu (akili) jambo ambalo linaweza kuongeza ustawi wa masomo darasani.
UANDAAJI:
Shemu
ambaye pia ni katibu mkuu wa Shirikisho la Vyama vya Waganga (SHIVYATIATA)
anasema zipo njia mbalimbali za uandaaji wa ambapo mhussika anasema kumenya
maganda ya juu yasiyotakiwa kisha maandalizi kuanzia nyama (sehemu ya njano),
moyo na mbegu.
Chukua
nyama, kata vipande vidovidogo baada ya kusafishwa kwa maji safi na salama.
Jaza vipande hivyo kwenye mashine maarufu kama (Brenda) kwa ajili ya kusaga au
kusindika.
Unaweza
wakati wa kusindika unaweza kuchanganya vipande hivyo na ndizi, maji safi
kidogo ili kurahisisha usindikaji kutokana na ndizi na vipande vya boga kuwa
katika hali kavu.
Inashauriwa
kuwa juisi iliyosindikwa katika mchanganyiko huo ina ongezeko kubwa la
virutubisho kama vile kalishiamu husaidia watu wenye upungufu au ukosefu wa
kinga mwilini (UKIMWI) kuongeza kinga ya mwili.
“Pia
majaribio yetu yameonyesha kwamba juisi hii ikichanganywa na juisi ya maua
yajulikanayo kama rosemary maarufu kama rosella inakuwa na uwezo zaidi katika
tiba kutokana na virutubisho vingine kama kalishiam na magnesiamu vilivyomo
kwenye rosella,”alisema.
Zipo
aina mbalimbali za uandaji wa juisi ya boga kwa mtu mwenye tatizo la nguvu za
kiume hutakiwa, kuchukua boga na kulikata vipande vidogo vidogo na kusaga bila
vipande hivyo kuwa mbegu zake.
Anachotakiwa
mhusika kufanya ni kuzipaa mbegu za boga ili kuzitenganisha na nyama kisha
kuzianika sehemu yenye kivuli hadi zitakaponyauka, saga kwa ajili ya kupata
unga.
Inashauriwa
kusaga unga huo wakati wa matumizi tu kwani unga wake ukihifadhiwa muda mrefu
unaweza kusababisha mlundikano wa fangasi ambao ni hatari kiafya, alisema Dk.
Shemu.
MATUMIZI:
Unaweza
kunywa juisi ya boga iliyosindikwa na kuchanganywa na pensheni ili kuongeza
ladha (test) na sukari kidogo kadri unavyoweza kwasababu matumizi yake mengi
hayadhuru.
Kuhusu
unga wa mbegu za boga, mtumiaji mwenye matatizo hayo anatakiwa kuchukua unga
kwenye kijiko kimoja cha chai kisha kuchanganya kwenye glasi ya maji na kunywa.
“Kunywa
mara tatu kwa siku. Mwneye tatizo kubwa anapaswa kunywa katika muda wa siku 21
mfululizo. Kwa mwenye tatizo la msongo wa mawazo anaweza pia kunywa juisi ya
mchanganyiko wa ndizi mbivu na boga kwa kuchanganya na unga wa mbegu
hizo”alisema.
TANZANIA imezidi kupata neema kutoka Jumuiya ya Kimataifa ambapo Novemba 2, 2017, Umoja wa Ulaya (EU) umeipatia Tanzania msaada wa Euro milioni 50, takriban Shilingi bilioni 130 kwa ajili ya kufadhili Mradi Kabambe wa Kusambaza Umeme Vijijini unaoendeshwa na Wakala wa Nishati Vijijini (REA).
Mkataba wa Makubaliano hayo umetiwa saini Jijini Dar es Salaam kati ya Katibu Mkuu na Mlipaji Mkuu wa Serikali, Wizara ya Fedha na Mipango, Doto James na Kamishna wa Ushirikiano wa Kimataifa na Maendeleo wa Umoja wa Ulaya (EU) Neven Mimica.
Msaada huo umelenga kuwasaidia raia wa Tanzania kufikiwa na huduma nafuu ya nishati ya umeme kwa kupanua uwezo wa gridi ya Taifa pamoja na mtandao wa usambazaji umeme.
Katibu Mkuu wa Wizara ya Fedha na Mipango, Doto James ameushukuru Umoja wa Ulaya kwa msaada huo mkubwa utakaoiwezesha nchi kuwa na umeme wa uhakika utakaochangia ukuaji wa uchumi wa nchi na maendeleo ya watu wake.
“Umoja wa ulaya ni wadau wetu muhimu wa maendeleo kutokana na misaada muhimu na mikubwa wanayotupatia, na kusadia agenda yetu ya maendeleo” alisema James
Alisema kuwa kiasi cha msaada wa Euro milioni 50 kilichotolewa na Umoja huo bila masharti yoyote si kidogo, na kwamba kitasaidia kutatua changamoto ya upatikanaji wa nishati ya umeme utakaochangia kuimarika kwa sekta ya viwanda itakayochochea ukuaji wa uchumi wa nchi.
Doto James alisema kuwa tangu Mradi Kabambe wa Kusambaza Umeme Vijijini REA uanze miaka 9 iliyopita, idadi ya vijiji vilivyounganishiwa umeme imeongezeka kutoka vijiji 400 mwaka 2008 hadi kufikia vijiji 4395 hivi sasa.
Alisema kuwa ni matarajio ya Serikali kwamba ifikapo mwaka 2020, vijiji vyote 12,000 hapa nchini vitakuwa vimeunganishwa na nishati hiyo hivyo kuchochea shughuli za uzalishaji viwandani na kiuchumi kwa wananchi, vitaimarika.
Kwa upande wake, Kamishna wa Ushirikiano wa Kimataifa na Maendeleo wa Umoja wa Ulaya (EU) Neven Mimica, amesema kuwa msaada huo wa Euro milioni 50 wanaoutoa ni sehemu ya msaada wa Euro milioni 207 ambazo wanachama wengine wa Umoja huo, ikiwemo Sweden, Uingereza, Norway na Benki ya Dunia, watatoa kufanikisha mradi huo wa usambazaji umeme vijijini kupitia REA.
“Nguvu hizi za pamoja zitaviwezesha takriban vijiji 3,600 vilivyoko maeneo mbalimbali ya nchi ambapo watu zaidi ya milioni 1 wanatarajiwa kunufaika na mradi huo” Alisema
Alisema hatua hiyo itachangia kuimarika kwa ubora wa maisha ya wananchi wa Tanzania, kuimarika kwa sekta za afya, elimu na kuleta faida za kijamii na kiuchumi zinazoonekana kwao moja kwa moja hususan wanawake na watoto.
Misaada ya Umoja wa Ulaya kwa Tanzania imejikita katika Nyanja tatu za Utawala bora, Umeme na Kilimo endelevu ambapo Umoja huo kupitia Mfuko wake wa Maendeleo (EDF) umetenga kiasi cha Euro milioni 626 katika kipindi cha kuanzia mwaka 2014-2020
 |
Naibu Katibu Mkuu wa Wizara ya Fedha na Mipango Amina Shaban (kushoto) akiupokea ujumbe kutoka Umoja wa Ulaya, ukiongozwa na Kamishna wa Ushirikiano wa Kimataifa na Maendeleo Neven Mimica (katikati) na Balozi wa Umoja wa Ulaya nchini Tanzania Roeland van de Geer, walipokuwa wanawasili Wizara ya Fedha na Mipango, Jijini Dar es Salaam kwa ajili ya kutoa msaada wa Euro milioni 50 kwa Tanzania.
|
Mkataba wa Makubaliano hayo umetiwa saini Jijini Dar es Salaam kati ya Katibu Mkuu na Mlipaji Mkuu wa Serikali, Wizara ya Fedha na Mipango, Doto James na Kamishna wa Ushirikiano wa Kimataifa na Maendeleo wa Umoja wa Ulaya (EU) Neven Mimica.
Msaada huo umelenga kuwasaidia raia wa Tanzania kufikiwa na huduma nafuu ya nishati ya umeme kwa kupanua uwezo wa gridi ya Taifa pamoja na mtandao wa usambazaji umeme.
Katibu Mkuu wa Wizara ya Fedha na Mipango, Doto James ameushukuru Umoja wa Ulaya kwa msaada huo mkubwa utakaoiwezesha nchi kuwa na umeme wa uhakika utakaochangia ukuaji wa uchumi wa nchi na maendeleo ya watu wake.
 |
| Katibu Mkuu wa Wizara ya Fedha na Mipango Doto James (kulia) na akimweleza jambo Kamishna wa Ushirikiano wa Kimataifa na Maendeleo wa Umoja wa Ulaya Neven Mimica wakati wa hafla fupi ya Umoja wa Ulaya (EU) kutiliana saini makubaliano ya msaada wa Euro milioni 50 kwa ajili ya kusaidia usambazi wa umeme vijijini kupitia Mradi Kabambe wa Kusambaza umeme Vijijini (REA). |
Alisema kuwa kiasi cha msaada wa Euro milioni 50 kilichotolewa na Umoja huo bila masharti yoyote si kidogo, na kwamba kitasaidia kutatua changamoto ya upatikanaji wa nishati ya umeme utakaochangia kuimarika kwa sekta ya viwanda itakayochochea ukuaji wa uchumi wa nchi.
 |
| Ujumbe kutoka Umoja wa Ulaya pamoja na Maafisa wa Wizara ya Fedha na Mipango wakimsikiliza kwa makini, Katibu Mkuu wa Wizara ya Fedha na Mipango Doto James akitoa maelezo ya ujio wa ugeni huo kuwa ni neema kwa nchi ya Tanzania kwani Umoja wa Ulaya wametoa msaada wa Euro Milioni 50 utasaidia vijijini 3600 nchini kupata umeme. |
Doto James alisema kuwa tangu Mradi Kabambe wa Kusambaza Umeme Vijijini REA uanze miaka 9 iliyopita, idadi ya vijiji vilivyounganishiwa umeme imeongezeka kutoka vijiji 400 mwaka 2008 hadi kufikia vijiji 4395 hivi sasa.
Alisema kuwa ni matarajio ya Serikali kwamba ifikapo mwaka 2020, vijiji vyote 12,000 hapa nchini vitakuwa vimeunganishwa na nishati hiyo hivyo kuchochea shughuli za uzalishaji viwandani na kiuchumi kwa wananchi, vitaimarika.
 |
| Katibu Mkuu wa Wizara ya Fedha na Mipango Doto James akiagana na Kamishna wa Ushirikiano wa Kimataifa na Maendeleo wa Umoja wa Ulaya Neven Mimica, baada ya kusaini mkataba wa msaada wa Euro milioni 50 ambazo Umoja huo umeipatia Tanzania kwa ajili ya kusambaza umeme vijijini kupitia Wakala wa Umeme Vijijini REA. |
Kwa upande wake, Kamishna wa Ushirikiano wa Kimataifa na Maendeleo wa Umoja wa Ulaya (EU) Neven Mimica, amesema kuwa msaada huo wa Euro milioni 50 wanaoutoa ni sehemu ya msaada wa Euro milioni 207 ambazo wanachama wengine wa Umoja huo, ikiwemo Sweden, Uingereza, Norway na Benki ya Dunia, watatoa kufanikisha mradi huo wa usambazaji umeme vijijini kupitia REA.
 |
Katibu Mkuu wa Wizara ya Fedha na Mipango Doto James akiwa na Ujumbe kutoka Umoja wa Ulaya pamoja na Maafisa waandamizi wa Wizara ya Fedha na Mipango wakiwa katika picha ya pamoja mara baada ya kusaini mkataba wa msaada wa utekelezaji wa nishati ya umeme vijijini katika ukumbi wa Wizara ya fedha na Mipango, Jijini Dar es Salaam
|
“Nguvu hizi za pamoja zitaviwezesha takriban vijiji 3,600 vilivyoko maeneo mbalimbali ya nchi ambapo watu zaidi ya milioni 1 wanatarajiwa kunufaika na mradi huo” Alisema
 |
| Katibu Mkuu wa Wizara ya Fedha na Mipango Doto James akiwa pamoja na Kamishna wa Ushirikiano wa Kimataifa na Maendeleo wa Umoja wa Ulaya Neven Mimica wakisaini Mkataba wa msaada wa fedha za kusaidia usambazaji wa umeme Vijijini (EURO milioni 50) katika ukumbi wa Wizara ya Fedha na Mipango, Jijini Dar es Salaam. |
Alisema hatua hiyo itachangia kuimarika kwa ubora wa maisha ya wananchi wa Tanzania, kuimarika kwa sekta za afya, elimu na kuleta faida za kijamii na kiuchumi zinazoonekana kwao moja kwa moja hususan wanawake na watoto.
 |
| Katibu Mkuu wa Wizara ya Fedha na Mipango Doto James na Kamishna wa Ushirikiano wa Kimataifa na Maendeleo wa Umoja wa Ulaya Neven Mimica, wakibadilishana hati za makubaliano ya msaada wa ruzuku ya kiasi cha EURO Milioni 50 katika ukumbi wa wizara ya Fedha na Mipango, Jijini Dar es Salaam. |
Misaada ya Umoja wa Ulaya kwa Tanzania imejikita katika Nyanja tatu za Utawala bora, Umeme na Kilimo endelevu ambapo Umoja huo kupitia Mfuko wake wa Maendeleo (EDF) umetenga kiasi cha Euro milioni 626 katika kipindi cha kuanzia mwaka 2014-2020
NAIBU Waziri wa
Ujenzi, Uchukuzi na Mawasiliano (Sekta ya Ujenzi), Elias Kwandikwa (Mb),
amewapongeza Wakala wa barabara nchini (TANROADS), kwa mikakati wanayotumia kudhibiti
vitendo vya rushwa katika vituo vya mizani hapa nchini.
Akifungua
Mkutano wa tisa wa baraza la wafanyakazi la TANROADS mjini Kigoma, Kwandikwa,
amesema nia ya Serikali ni kuhakikisha watendaji wake wote wanakuwa waadilifu
ili rasilimali chache zitumike kwa manufaa ya wote.
“Hakikisheni
kila mtakaye mkamata kwa vitedo vya rushwa hatua za kisheria anachukuliwa
ikiwemo na kufukuzwa kazi ili kuonyesha kuwa jambo la rushwa tunalichukia na hatulipendi
katika Serikali”, alisema.
Naye Mtendaji
Mkuu Wa Wakala huo Eng. Patrick Mfugale, amesema kuwa katika kipindi cha mwaka
mmoja watumishi 71 wamefukuzwa kazi
katika vituo mbalimbali vya mizani hapa nchini kutokana na kujihusisha na vitendo
vya rushwa.
Ameongeza kuwa
TANROADS wamejipanga kuhakikisha miradi yote ya ujenzi na vituo vya mizani
vinafanya kazi kwa weledi na uaminifu ili kujenga imani kwa wananchi.
Kwa upande wake Mwenyekiti wa Bodi ya
TANROADS Hawa Mmanga, amemuhakikishia Naibu Waziri wa Ujenzi kuwa wakala wake umejipanga
kutekeleza kikamilifu ujenzi wa miundombinu ya barabara na madaraja hapa nchini
kwa wakati, ubora na kuzingatia thamani ya fedha.
Wajumbe
wa baraza la TANROADS kutoka mikoa yote
nchini wamekutana katika mkutano wa tisa wa baraza la wafanyakazi ili kutathimini
utendaji kazi wao na kuibua mikakati mipya itakayowezesha wakala huo kufanya
kazi zake kwa weledi na kwa kukidhi mahitaji ya nchi.
TUME ya Taifa ya Uchaguzi (NEC) imesema uchaguzi mdogo wa madiwani utakaofanyika Novemba 26,2017 katika kata 43 utagharimu Sh2.5 bilioni.
Mkurugenzi wa Uchaguzi wa NEC, Kailima Ramadhani amesema msingi wa bajeti ya uchaguzi unategemea idadi ya vituo vya kupigia kura na idadi ya wapiga kura walioandikishwa katika kata husika.
Katika taarifa kwa vyombo vya habari leo Novemba Mosi,2017 Kailima amesema idadi ya wapiga kura ndiyo inatoa bajeti ya mahitaji ya vifaa vya kuendeshea uchaguzi kama vile karatasi za kura na idadi ya vituo ambavyo vinakuwa na watumishi wasiopungua wanne.
Amesema kituo cha kupigia kura kina watendaji wanne ambao ni msimamizi na msimamizi msaidizi, karani mwongozaji na mlinzi wa kituo.
“Lakini pia kuna watu wa ziada kama wasimamizi wasaidizi wako ngazi ya kata na jimbo ambao wanahusika kusimamia uchaguzi katika maeneo husika,” amesema.
Amesema gharama nyingine za uchaguzi ziko kwenye usafirishaji wa vifaa kutoka Tume kwenda kwenye halmashauri husika na kutoka halmashauri kwenda kwenye kata ambako uchaguzi unafanyika. “Gharama hizo pia zinahusu utoaji wa elimu ya mpiga kura kupitia machapisho mbalimbali ya elimu ya mpiga kura, maelekezo kwa watendaji wa uchaguzi,” amesema.
Amesema elimu pia hutolewa kupitia vyombo vya habari na machapisho yatakayotumika kwa ajili ya kutoa elimu ya mpiga kura.
“Kwa uchaguzi huu mdogo bajeti ni Sh2.5 bilioni. Si kwamba kila kata itatumia gharama sawa za fedha hizi, bali kuna kata itatumia Sh20 milioni kutokana na idadi ya vituo vya kupigia kura kuwa vichache na kata yenye vituo vingi kwenye uchaguzi huu itatumia Sh150 milioni,” amesema Kailima.
Kailima amesema vyama vya siasa vinatakiwa kuhakikisha vinawaelimisha wafuasi, wapenzi na wanachama wao juu ya kutekeleza maadili katika kipindi chote cha kampeni.
Amesema maadili yatakiukwa, chama husika pamoja na mgombea watachukuliwa hatua za kinidhamu.
Kailima amesema baadhi ya vitendo vya kuvunja maadili ya uchaguzi ni kuchana mabango ya wagombea, kutoa lugha chafu wakati wa mikutano ya kampeni na kupitisha muda wa kufanya mikutano ya kampeni.
Amesema kamati za maadili za kata na jimbo zitachukua hatua kali kwa chama au mgombea ambaye atakiuka maadili na kwamba, zinatakiwa kuchukua hatua ndani ya saa 48 baada ya chama au mgombea anapovunja maadili.
Amezitaja baadhi ya adhabu ni kuomba radhi wananchi hadharani, kutotumia vyombo vya habari kwa muda fulani wakati wa kampeni, onyo la maandishi, kusimamishwa kufanya kampeni, mgombea kutangaza mbele ya vyombo vya habari kuwa yeye ni bingwa wa kukikuka maadili ya uchaguzi au kutozwa faini ya Sh100,000.
Mkurugenzi wa Uchaguzi wa NEC, Kailima Ramadhani amesema msingi wa bajeti ya uchaguzi unategemea idadi ya vituo vya kupigia kura na idadi ya wapiga kura walioandikishwa katika kata husika.
 |
| Mkurugenzi wa Uchaguzi wa NEC, Kailima Ramadhani |
Katika taarifa kwa vyombo vya habari leo Novemba Mosi,2017 Kailima amesema idadi ya wapiga kura ndiyo inatoa bajeti ya mahitaji ya vifaa vya kuendeshea uchaguzi kama vile karatasi za kura na idadi ya vituo ambavyo vinakuwa na watumishi wasiopungua wanne.
Amesema kituo cha kupigia kura kina watendaji wanne ambao ni msimamizi na msimamizi msaidizi, karani mwongozaji na mlinzi wa kituo.
“Lakini pia kuna watu wa ziada kama wasimamizi wasaidizi wako ngazi ya kata na jimbo ambao wanahusika kusimamia uchaguzi katika maeneo husika,” amesema.
Amesema gharama nyingine za uchaguzi ziko kwenye usafirishaji wa vifaa kutoka Tume kwenda kwenye halmashauri husika na kutoka halmashauri kwenda kwenye kata ambako uchaguzi unafanyika. “Gharama hizo pia zinahusu utoaji wa elimu ya mpiga kura kupitia machapisho mbalimbali ya elimu ya mpiga kura, maelekezo kwa watendaji wa uchaguzi,” amesema.
Amesema elimu pia hutolewa kupitia vyombo vya habari na machapisho yatakayotumika kwa ajili ya kutoa elimu ya mpiga kura.
“Kwa uchaguzi huu mdogo bajeti ni Sh2.5 bilioni. Si kwamba kila kata itatumia gharama sawa za fedha hizi, bali kuna kata itatumia Sh20 milioni kutokana na idadi ya vituo vya kupigia kura kuwa vichache na kata yenye vituo vingi kwenye uchaguzi huu itatumia Sh150 milioni,” amesema Kailima.
Kailima amesema vyama vya siasa vinatakiwa kuhakikisha vinawaelimisha wafuasi, wapenzi na wanachama wao juu ya kutekeleza maadili katika kipindi chote cha kampeni.
Amesema maadili yatakiukwa, chama husika pamoja na mgombea watachukuliwa hatua za kinidhamu.
Kailima amesema baadhi ya vitendo vya kuvunja maadili ya uchaguzi ni kuchana mabango ya wagombea, kutoa lugha chafu wakati wa mikutano ya kampeni na kupitisha muda wa kufanya mikutano ya kampeni.
Amesema kamati za maadili za kata na jimbo zitachukua hatua kali kwa chama au mgombea ambaye atakiuka maadili na kwamba, zinatakiwa kuchukua hatua ndani ya saa 48 baada ya chama au mgombea anapovunja maadili.
Amezitaja baadhi ya adhabu ni kuomba radhi wananchi hadharani, kutotumia vyombo vya habari kwa muda fulani wakati wa kampeni, onyo la maandishi, kusimamishwa kufanya kampeni, mgombea kutangaza mbele ya vyombo vya habari kuwa yeye ni bingwa wa kukikuka maadili ya uchaguzi au kutozwa faini ya Sh100,000.
KANISA la Enjoying Assemblies of God linakukaribisha katika ibada zao zinazofanyika kila siku ya Jumapili Asubuhi hadi mchana, Jumatano saa 10:00 jioni na Ijumaa, Jumanne niwanawake (wanamama), Alhamisi saa 10:00 jioni ni Waimbaji.
Siku ya Ijumaa ni Maombi na maombezi.
Mito ya Injili Linawakaribisha watu wote.
Siku ya Ijumaa ni Maombi na maombezi.
Mito ya Injili Linawakaribisha watu wote.
WAZIRI wa Ujenzi, Uchukuzi na Mawasiliano, Profesa Makame Mbarawa, amekagua eneo lililotengwa kwa ajili ya ujenzi wa meli mpya na yakisasa itakayotoa huduma za usafirishaji katika Ziwa Victoria.
Akizungumza na wafanyakazi wa Kampuni ya Huduma za Meli (MSCL), Prof. Mbarawa, amewataka wafanyakazi wa Kampuni hiyo kutoa ushirikiano kwa Mkandarasi ili kazi hiyo ianze mara moja na kukamilika kwa wakati.
“Mkandarasi ameshapatikana hivyo hakikisheni mnatoa ushirikiano na mnafanya uhakiki wa kimahesabu vizuri ili kazi hii ifanyike kwa gharama nafuu, ubora na muda mfupi”, amesema Prof. Mbarawa.
Katika hatua nyingine, Waziri Mbarawa, amekagua maendeleo ya ukarabati wa meli ya Mv. Clarias na Mv. Umoja ambapo ameeleza kuridhishwa kwake na hatua zilizofikiwa, na hivyo kuwataka MSCL kutafuta mizigo ya kusafirisha kutoka Bandari ya Mwanza kwenda Bandari ya “Port Bell”, nchini Uganda.
“Kukamilika kwa meli kuwiane na kasi ya kutafuta mzigo mwingi ili meli hizi zifanye biashara wakati wote na kuhakikisha Kampuni yenu inapata mapato mengi yatakayowawezesha kujiendesha kwa faida”, amesisitiza Waziri Mbarawa
Naye, Meneja Mkuu wa Kampuni ya Huduma za Meli (MSCL), Erick Hamissi, amemhakikishia Prof. Mbarawa, kuwa wamejipanga kufanya ukarabati mkubwa wa meli za Mv. Victoria, Butiama na Liemba ili kuziwezesha meli hizo kufanya kazi katika ubora wake wa awali na kupunguza tatizo la usafiri katika ziwa Victoria na Tanganyika.
“Tumeweka mkakati wa kuhakikisha tunazikarabati meli zetu zote ili ziwe katika ubora unaostahili wakati wote”, amefafanua Bw. Hamissi.
Katika kuhakikisha maendeleo ya kibiashara na kuichumi yanafikiwa katika Ukanda wa maziwa makuu nchini, Serikali imejipanga kuhakikisha inafufua usafiri wa meli za abiri na mizigo katika ukanda huo.
 |
| Meneja Mkuu wa Kampuni ya Huduma za Meli (MSCL), Bw. Erick Hamissi,akimuonesha Waziri wa Ujenzi, Uchukuzi na Mawasiliano, Profesa Makame Mbarawa(Wa pili kulia), hatua zilizofikiwa za ukarabati wa meli ya Mv. Clarius na Mv. Umojakatika Bandari ya Mwanza. |
Akizungumza na wafanyakazi wa Kampuni ya Huduma za Meli (MSCL), Prof. Mbarawa, amewataka wafanyakazi wa Kampuni hiyo kutoa ushirikiano kwa Mkandarasi ili kazi hiyo ianze mara moja na kukamilika kwa wakati.
“Mkandarasi ameshapatikana hivyo hakikisheni mnatoa ushirikiano na mnafanya uhakiki wa kimahesabu vizuri ili kazi hii ifanyike kwa gharama nafuu, ubora na muda mfupi”, amesema Prof. Mbarawa.
Katika hatua nyingine, Waziri Mbarawa, amekagua maendeleo ya ukarabati wa meli ya Mv. Clarias na Mv. Umoja ambapo ameeleza kuridhishwa kwake na hatua zilizofikiwa, na hivyo kuwataka MSCL kutafuta mizigo ya kusafirisha kutoka Bandari ya Mwanza kwenda Bandari ya “Port Bell”, nchini Uganda.
“Kukamilika kwa meli kuwiane na kasi ya kutafuta mzigo mwingi ili meli hizi zifanye biashara wakati wote na kuhakikisha Kampuni yenu inapata mapato mengi yatakayowawezesha kujiendesha kwa faida”, amesisitiza Waziri Mbarawa
Naye, Meneja Mkuu wa Kampuni ya Huduma za Meli (MSCL), Erick Hamissi, amemhakikishia Prof. Mbarawa, kuwa wamejipanga kufanya ukarabati mkubwa wa meli za Mv. Victoria, Butiama na Liemba ili kuziwezesha meli hizo kufanya kazi katika ubora wake wa awali na kupunguza tatizo la usafiri katika ziwa Victoria na Tanganyika.
“Tumeweka mkakati wa kuhakikisha tunazikarabati meli zetu zote ili ziwe katika ubora unaostahili wakati wote”, amefafanua Bw. Hamissi.
Katika kuhakikisha maendeleo ya kibiashara na kuichumi yanafikiwa katika Ukanda wa maziwa makuu nchini, Serikali imejipanga kuhakikisha inafufua usafiri wa meli za abiri na mizigo katika ukanda huo.
TUME ya uchaguzi imeahirisha uchaguzi katika kaunti za Kisumu,
Siaya, Migori na Homa Bay.
Vituo vya kura katika baadhi ya maeneo tayari
vimefungwa.
Kinyume na uchaguzi wa mwezi Agosti, katika
vituo vya kupigia kura hakukuwa na foleni ndefu.
Kiongozi wa upinzani Raila Odinga amesusia
uchaguzi huo na kuwataka wafuasi wake wasalie manyumbani
Uchaguzi huu unatokana na hatua ya Mahakama ya
Juu kufuta uchaguzi uliofanyika tarehe 8 Agosti
HOSPITALI ya rufaa ya mkoa wa Tanga, Bombo,
haina chumba cha kuwalaza wagonjwa mahututi (ICU) hali inayosababisha wagonjwa
wanaohitaji uangalizi wa matibabu, hulazimsihwa kuwekwa katika wodi za wagonjwa
wengine, wakiwa na mitungi ya mashine za gesi za kupumulia.
 |
| Hospitali ya rufaa ya mkoa wa Tanga, Bombo |
Uchunguzi uliofanywa na Majira takribani mwezi
mmoja katika hospitali hiyo ya rufaa inayopokea wagonjwa kutoka katika vituo
vya afya na hospitali za wilaya nane zilizopo mkoani hapa, na kuthibitishwa na
Katibu Tawala wa mkoa wa Tanga (RAS) Injinia Zenna Said, Mganga Mkuu wa mkoa wa
Tanga, Dk. Asha Mahita na Mganga mfawidhi wa hospitali hiyo Dk. Jumanne Karia
kwa pamoja walielezea jitihada za mkoa za kuhakikisha wanajenga chumba hicho.
Hospitali hiyo kongwe hapa nchini, imekuwa na
tatizo hilo takribani miaka 7 sasa, kwa chumba hicho kukosekana ambapo awali
walikuwa wakitumia chumba kimoja kabla ya kusitisha kualza wagonjwa, kikawa
kinatumiwa na watoto wadogo lakini baadaye kikawa kinatumiwa na wagonjwa
wanaotumia kadi za huduma ya Bima ya Afya, lakini sasa kinatumika kwa shughuli
nyingine za hospitali.
Baadhi ya wakazi wa Jiji la Tanga, wamekuwa
wakilalamikia hali hiyo wakieleza kwamba wagonjwa Mahututi kuwachanganya na
wagonjwa wengine huku wakiwa na mitungi ya gesi ni kutowatendea haki, kwa kuwa
wanaporuhusiwa ndugu kuona wagonjwa kunakuwa na msongamano mkubwa na kelele za
hapa na pale za kufariji wagonjwa wengine.
“Nilishtuka nilipoingia wodi ya Galanosi kule
kwa akina mama nilimkuta mke wa diwani wa Kirare, Saleh Mwagilo akiwa amewekewa
mashine ya gesi huku akiwa mahututi, nilishangaa nilipouliza nikaambiwa
hospitali haina chumba cha wagonjwa mahututi,” alisema Haruna Magembe aliyekuwa
na mgonjwa katika wodi hiyo ya Galanosi.
Alisema kuwa licha ya kuwepo mgonjwa huyo katika
wodi nyingine mbalimbali zimekuwa na wagonjwa mahututi wengi wanaochanganywa na
wagonjwa wa kawaida haliambayo imekuwa ikileta tafsiri mbaya ya suala la
viongozi wa mkoa kuwajibika katika kuhakikisha chumba hicho kinapatikana ili
kuwawezesha wagonjwa hao kupata tiba stahili kwa mujibu wa taratibu na sera ya
wizara ya afya.
Alipotafutwa diwani huyo kwa ajili ya kuelezea
suala la mgonjwa wake huyo, hakuweza kupatikana lakini mtu wake wa karibu
aliyejitambulisha kwa jina la Kasirani kasirani, alisema amemhamishia mkewe
huyo katika hospitali ya Taifa ya Muhimbili ambako anaendelea na matibabu baada
ya kulazwa takribani wiki mbili akiwa na mtungi wa oksijeni bila mafanikio.
Alipoulizwa kuhusu hali hiyo Katibu Tawala wa
mkoa wa Tanga, Injinia Zena alikiri kukosekana kwa chumba hicho, lakini alisema
kwa taarifa za jitihada zinazofanyika kupata chumba hicho, alimwelekeza
mwandishi wa habari hizi akakutane na Mganga Mkuu wa mkoa Mahita ambaye atakuwa
na majibu kuhusu kukosekana kwa ICU katika hospitali hiyo.
“Ni kweli lakini sisi kama mkoa tumekuwa na
mipango mbalimbali ya kupatikana lakini nenda kwa Mganga Mkuu atakupa tumefikia
wapi kuhusu kupatikana kwa ICU,” alisema Injinia Zenna.
Dk. Mahita alipoulizwa kuhusu suala hilo,
alisema kuwa ni kweli hawana ICU katika hospitali hiyo lakini wagonjwa wenye
mahitaji hayo wamekuwa wakiwahudumia vizuri licha ya kukosa chumba kinachofaa
kwa huduma hiyo na kwamba hawawezi kuwazuia watu wanaokuja kuwaona wagonjwa
waliowachanganya na wagonjwa wengine.
Hata hivyo, Dk Mahita ambaye alisema pamoja na
kukosa huduma hiyo hospitali hiyo katika kipindi cha hivi karibuni wameweza
kuboresha huduma mbalimbali na kuhusu ICU wamekuwa na jitihada mbalimbali za
kuhakikisha wanamaliza tatizo hilo baada ya kuomba mkopo kwa Mfuko wa Taifa wa
Bima ya Afya (NHIF).
“Tumeomba mkopo NHIF kwa ajili ya ICU, lakini
kwa sasa wagonjwa wanaokuja kwa mahitaji ya huduma ya ICU tunawapa huduma,
tunachokosa ni eneo la kutolea huduma hiyo tu,” alisema na kuongeza “Hatuwezi
kuwazuia watu wasiende kutazama wagonjwa wao waliokuwa na oksijeni, lakini
ukitaka taarifa zaidi nenda kamuone Dk. Karia ambaye ni Mganga Mfawidhi wa
hospitali, atakupa hadi sasa tumefikia wapi katika suala hilo,”.
Akizungumzia kuhusu hali hiyo Mganga Mfawidhi wa
hospitali hiyo, Dk. Karia alisema kuwa ni kweli chumba hicho kwa sasa hakipo
katika hospitali hiyo baada ya chumba kilichokuwa kikitumika zamani hakina
mfumo wa kutumia gesi pamoja na vifaa vya ICU, hivyo wakaamua kuwachanganya
wagonjwa wenye mahitaji hayo na wagonjwa wengine, lakini tangu mwaka 2013
wameanza ukarabati wa jengo ambalo litatumika kwa huduma hiyo.
Alisema chumba wanachokifanyia ukarabati sasa
ili kitumike kuwa ICU ni kile kilichokuwa kikitumika kama chumba cha Upasuaji
(Theatre) baada ya mradi wa KfW kutoa fedha za ujenzi wa chumba cha Upasuaji
kipya kinachotumika sasa na kwamba sasa wanaendelea kutafuta fedha ili waweze
kukamilisha katika kipindi kifupi kijacho.
“Ni kweli kile chumba cha mwanzo kilichokuwa
kikitumika kama ICU hatukitumii tena na tunachanganya wagonjwa huko katika
mawodi, lakini chumba kile kilikuwa hakina mfumo wa gesi, pia hakikuwa na vifaa
vinavyohitajika kwa wagonjwa mahututi ikiwemo vitanda,” alisema Dkt Karia.
Aliongeza kusema kwamba katika bajeti yam waka
2017/2018 itatumika kwa ajili ya ununuzi wa vifaa vya ICU na kiasi cha shilingi
milioni 231 ilitengwa mwaka 2016/2017 kwa jili ya kutengeneza mfumo wa gesi
katika chumba hicho ambapo hospitali kwa kushirikiana na ofisi ya Katibu
Tawala, imeanza kushughulikia suala hilo la gesi ambayo pia wataiuza katika
hospitali nyingine baada ya kuanza kazi.
“Vile vile kuna vifaa vya msaada kutoka nchini
Ujerumani Mwenyekiti wetu wa bodi ya Hospitali Zahra Noor kwa kushirikiana na
kaka yake Habib Noor na baadhi ya wafanyabiashara wa hapa Tanga akiwemo
Selemani Rahaleo, watasaidia hiyo ICU yetu ikianza kazi,” alisema Dkt Karia na
kuongeza kwamba wameomba mkopo wa kiasi cha shilingi milioni 560 kutoka NHIF.
Akizungumza na gazeti hili Meneja wa Mfuko wa
Taifa wa Bima ya Afy (NHIF) mkoani Tanga, Ali Mwakababu alisema ni kweli
hospitali hiyo imeomba mkopo wa kiasi cha shilingi milioni 560 kwa ajili ya
ukarabati wa wodi ya akina mama na watoto pamoja na chumba cha magonjwa mahututi
(ICU).
SERIKALI inatarajia
kuajiri wafanyakazi 400 wa Mamlaka ya Mapato Tanzania (TRA) katika kipindi
kifupi kijacho ili kukabiliana na changamoto ya upungufu wa watumishi katika
Mamlaka hayo, hatua inayotarajiwa kuongeza ufanisi na makusanyo ya kodi.
 |
Naibu Waziri wa Fedha
na Mipango Dk. Ashatu Kijaji (Mb) akiwa katika picha ya pamoja na viongozi na
watumishi wengine wa Mamlaka ya Mapato Tanzania (TRA) mkoa wa Shinyanga,
alipofanya ziara ya kikazi kukagua namna Mamlaka hayo inavyokusanya kodi.
Naibu Waziri wa Fedha
na Mipango Dk. Ashatu Kijaji (Mb) (kushoto) akizungumza na baadhi ya Viongozi
wa Mamlaka ya Mapato Tanzania (TRA) mkoa wa Shinyanga kuhusu kufanya juhudi ya
kukusanya mapato ili azma ya Serikali ya kuwahudumia wananchi kikamilifu
itimie.
Ahadi hiyo imetolewa
Mjini Shinyanga na Naibu Waziri wa Fedha na Mipango, Dk. Ashatu Kijaji, alipokuwa
akizungumza na viongozi na watumishi wa Mamlaka ya Mapato Tanzania wakati wa
ziara yake ya kikazi ya kukagua utendaji wa Mamlaka hayo mkoani humo.
Dk. Kijaji amesema
kuwa taratibu zote zimekamilika na wakati wowote nafasi za ajira zitatangazwa
na kwamba nafasi hizo zimelenga kuiwezesha TRA kuwafikia watu wengi zaidi na
kuongeza wigo wa makusanyo ya kodi.
Naibu Waziri wa Fedha
na Mipango Dk. Ashatu Kijaji (Mb) (kushoto) akizungumza na baadhi ya Viongozi
wa Mamlaka ya Mapato Tanzania (TRA) mkoa wa Shinyanga kuhusu kufanya juhudi ya
kukusanya mapato ili azma ya Serikali ya kuwahudumia wananchi kikamilifu
itimie.
“Tunatambua changamoto
ya uchache wa watumishi wa Mamlaka ya Mapato Tanzania TRA ndio maana tumeamua
kuajiri wafanyakazi hao 400 ambao ni wengi kuliko kada nyingine ili tuweze
kuimarisha utendajikazi wa Mamlaka na hivyo kuongeza makusanyo ya kodi
zinazotakiwa kwa shughuli za maendeleo nchini” alisema .
Alisema kuwa pamoja na
uhaba wa watumishi, anaamini kuwa lengo la mwaka huu la kukusanya shilingi
trilioni 17 ambazo Mamlaka hayo imepangiwa yatafikiwa na ikiwezekana kuzidi kwa
kutumia wafanyakazi waliopo.
Dk. Kijaji alitoa rai
kwa wafanyakazi wa TRA kuwa waadilifu na kwamba atakayebainika kukiuka maadili
yake ya kazi atachukuliwa hatua kali za kinidhamu na kisheria.
Awali Meneja wa
Mamlaka ya Mapato mkoa wa Shinyanga Jumbe Samson, alieleza kuwa mkoa wake
umepangiwa lengo la kukusanya Shilingi bilioni 18 na kwamba wanauhakika wa
kufikia lengo hilo kutokana na mikakati mbalimbali waliyojipangia ikiwemo
kusimamia ukusanyaji kodi kikamilifu katika sekta ya madini.
Kwa upande wake, Kaimu
Kamishna Mkuu wa Mamlaka ya Mapato Tanzania-TRA Beatus Nchota alisema kuwa
Mamlaka yake imejiwekea mipango ya kufungua ofisi zake kila wilaya hapa nchini
ili kusogeza huduma karibu na wananchi na kuongeza wigo wa ukusanyaji wa mapato
ya Serikali ili lengo walilopewa la kukusanya shilingi trilioni 17 liweze kufikiwa.
Mkuu wa Wilaya ya
Shinyanga, Josephine Matiro, akizungumza kwa niaba ya Mkuu wa mkoa wa
Shinyanga, alisema kuwa Serikali mkoani humo itahakikisha kuwa TRA inatimiza
malengo yake ya kukusanya kodi na kumhakikishia Naibu Waziri wa Fedha na Mipango
Dk. Ashatu Kijaji kwamba watasimamia kikamilifu ukusanyaji wa mapato ya
Serikali.
CHAMA cha Mapinduzi
(CCM) Zanzibar kimetoa mkono wa pole kwa familia iliyopata ajali ya kuungua
moto nyumba na kusababisha vifo vya watu wanne huko katika kijiji cha Fumba
Wilaya ya Magharibi “B” Unguja.
Akizungumza Naibu
Katibu Mkuu wa CCM Zanzibar Dk. Abdalla Mabodi wakati wa kuifariji familia hiyo
amesema CCM Zanzibar imesikitishwa sana na tukio hilo kwani limegharimu maisha
ya wananchi wasiokuwa na hatia.
 |
Naibu Katibu Mkuu wa CCM Zanzibar Dk. Abdalla
Juma Mabodi akiwafariji ndugu na jamaa wa marehemu wa familia iliyopata msiba
huo katika kijiji cha Fumba Wilaya ya Magharibi “B” Unguja.
Dk. Mabodi alisema kwa niaba ya Makamo Mwenyekiti
wa CCM Zanzibar ambaye pia ni Rais wa Zanzibar na Mwenyekiti wa Baraza la
Mapinduzi Dk. Ali Mohamed Shein anatoa pole kwa ndugu, jamaa na marafiki
wa familia hiyo na kuwasihi waendelee kuwa na moyo wa subra katika
kipindi hichi kigumu cha msiba huo.
“ Kupoteza watu Wanne katika familia
moja ni jambo zito linalotia huzuni lakini tuendelee kuwa wavumilivu
kwani Allah amewapenda zaidi na sisi tuliobaki tuendelee kuwaombea dua
ili wapate makaazi mema na kusamehewa madhambi yao”, alitoa nasaha hizo kwa
maskitiko makubwa Dk. Mabodi.”
Mapema Sheha wa Shehia ya Fumba, Mohamed
Suleiman alifafanua kuwa nyumba hiyo ilianza kuwaka moto majira ya saa 6:15
usiku Oktoba 21 mwaka huu, ambapo wananchi mbali mbali walianza juhudi za
kuzima moto huo na kushindwa kuokoa watu waliokuwa ndani kwani uliku ni mkubwa.
 |
Naibu Katibu Mkuu wa CCM Zanzibar Dk. Abdalla
Juma Mabodi Akisalimiana na baadhi ya wananchi na viongozi mbali mbali
walioudhuria katika msiba huo.
Suleiman alisema wakati juhudi za kuzima moto
huo zikiendelea waliwasiliana na Kikosi cha Zimamoto na Uokozi Zanzibar ambacho
kilifika na kusaidiana na wananchi hao ambapo walizima moto huo na kukuta watu
wanne tayari wamefariki dunia.
Akithibitisha tukio tukio hiloalisema chanzo
cha moto huo ni hitilafu za umeme zilizoanzia katika waya wa jokofu (Friji)
lililokuwa likifanya kazi wakati wa usiku.
Kamanda Nassir aliwataja watu waliofariki
katika tukio hilo kuwa ni Bahati Ali Ameir (40), Sinawema Abdalla Ali, Hashim
Abdalla Ali (6) na Latifa Mohamed Ali (8).
Alitoa wito kwa wananchi kujenga utamaduni wa
kuzima vifaa vya umeme wakati wa usiku ambavyo havina umuhimu wa kutumiwa
wakati huo ili kuepuka majanga yanayoweza kuhatarisha maisha ya watu.
