Tuesday, 21 November 2017
MAKAMU
wa rais wa zamani Emmerson Mnangagwa, ambaye alifutwa kazi na kusababisha jeshi
kuchukua mamlaka ya nchi , amemtaka rais Robert Mugabe ajiuzulu mara moja.
Amesema
alitoroka nje ya nchi wiki mbili zilizopita wakati alipobaini kuwa kuna njama
za kumuua na hatarejea nchini hadi atakapohakikishiwa usalama wake huku Chama
cha rais Mugabe kikijiandaa kupiga kura ya kutokuwa na imani nae.
 |
| Emmerson Mnangagwa anatarajiwa kuwa rais ajaye wa Zimbabwe |
Afisa
wa Zanu-PF amesema kuwa hoja ya kumnyang'anya urais itawasilishwa bungeni leo
Jumanne na mchakato wa kumg'oa madarakani unaweza kuchukua siku mbili tu.
Mashtaka
yaliyomo kwenye hoja hiyo ni pamoja na kiongozi huyo mwenye umri wa miaka 93
"kumpa madaraka makubwa ya kikatiba mkewe Grace, na kushindwa kuheshimu
katiba''.
Mugabe
alimwachia mkewe mamlaka ya kikatiba na kuwashangaza wengi kwa kukataa kujiuzulu
badala yake katika hotuba yake kupitia
televisheni alisema kuwa ataongoza mkutano mkuu wa chama Zanu-PF.
